Text copied!
BREAK EVERY YOKE
CopyCompare
Bib La
- Sòm
- Sòm 119

Sòm 119:142-167

Help us?
Click on verse(s) to share them!
142Jistis ou la pou tout tan, lalwa ou se verite.
143Mwen nan tray, kè m' ap kase. Men, mwen pran tout plezi m' nan fè sa ou mande m' fè.
144Prensip ou yo se bagay ki dwat pou tout tan. Ban m' bon konprann pou m' ka viv.
145M'ap rele nan pye ou ak tout kè mwen. Reponn mwen, Seyè, pou m' ka toujou fè sa ou vle m' fè.
146M'ap rele ou, sove m' non, pou m' ka mache dapre prensip ou yo!
147Solèy poko leve, m'ap rele mande sekou. Tout espwa mwen se nan pawòl ou li ye.
148Lannwit poko rive, mwen moute kabann mwen pou m' kalkile pawòl ou yo.
149Seyè, koute sa m'ap di ou, paske ou gen bon kè. Ban m' lavi ankò, jan ou te pwomèt la.
150Moun ki soti pou touye m' yo pwoche bò kote m'. Se moun sa yo ki vire do bay lalwa a depi lontan.
151Men, ou toupre m', Seyè. Tout kòmandman ou yo se bagay ki vre.
152Gen lontan depi mwen konnen prensip ou yo. Yo la pou tout tan.
153Gade nan ki mizè mwen ye. Delivre m' non, paske mwen pa janm bliye lalwa ou!
154Defann kòz mwen, delivre m'. Ban m' lavi ankò, jan ou te pwomèt la.
155Mechan yo p'ap janm sove, paske yo p'ap chache konnen sa ou vle yo fè.
156Seyè, ou pa manke gen kè sansib! Ban m' lavi ankò, jan ou te deside l' la.
157Mwen gen anpil moun ki pa vle wè m'. Mwen pa janm mete prensip ou yo sou kote.
158Lè m'ap gade bann trèt sa yo, sa ban m' degoutans, paske se pa moun k'ap obeyi pawòl ou.
159Gade jan m' renmen lòd ou yo, Seyè! Ban m' lavi ankò, paske ou renmen m'.
160Tou sa ki nan pawòl ou se verite. Tout jijman ou yo se jijman ki san patipri. Yo la pou tout tan.
161Yon bann chèf ap pèsekite m' san rezon, men se pou pawòl ou yo mwen gen krentif.
162Pawòl ou fè kè m' kontan. Se tankou si m' te jwenn yon gwo richès.
163Mwen rayi bay manti, mwen pa vle wè sa. Mwen renmen lalwa ou la anpil.
164Sèt fwa chak jou m'ap di ou mèsi pou jijman ou yo ki san patipri.
165Moun ki renmen lalwa ou la ap viv ak kè poze. Pa gen anyen ki pou fè yo bite.
166M'ap tann ou vin delivre m', Seyè. M'ap fè tou sa ou kòmande m' fè.
167M'ap mache dapre prensip ou yo, se pa ti renmen mwen renmen yo.

Read Sòm 119Sòm 119
Compare Sòm 119:142-167Sòm 119:142-167


BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!