5Mopafi zamufga'mofo avesizama nevririzamokizmia, antahintahiza zmimo'a mopafi zama huzankuke nentahize. Avamupima nevaza vahera Avamumofo zankuke nentahize.
6Hu'negu ko'ma kumima nehuna tavutava zanku'ma antahizamo'a fri kante tavreno nevie. Hianagi atrenkeno Avamumo antahintahitamia kva huramantena asimu erino rimpa frune manizampina viho.
7Hu'negu iza'zo kumimofo avu'ava zampima mani'namo'za Anumzamofona ha' renentaze. E'inahu antahintahine vahe'mo'za Anumzamofo kasege agorga'a nomaniza, Anumzamofo kasegea amagera antegara osu'naze.
8E'ina hu'negu kumi avu'avazampima mani'naza vahe'mo'za Anumzamofo avu'avara nosaze.
9Hu'neanagi kagrira kumi kavukavazamo'a kava hunogante. Hagi Anumzamofo Avamumo kva hunegante. Tamage huno Anumzamofo Avamu'mo tamagu'afima mani'nenketa, Avamumofo kvafi manigahaze. Antahiho, Kraisi Avamumo zamagu'afima omani'nenimo'za, Kraisi vahera omani'naze.
Romu 8
Romu 8:5-9