Romanos 7:2-10

²Daja huecha butseji cuana. Epuna ahueji sa yahue neje ani taji yahue emanu teje. Ahua yahue emanu su, da su epuna d'eji su epu pia deja neje yahueti puji.

³Ahua tueda epuna mesa yahue eid'e biame, pia deja neje equinati su, jucha aida epu jacuatsasiati butse su. Ahua mesa yahue emanu su, ahua pia deja neje yahueti su, da su beju aimue jucha aida epu mahue jacuatsasiati butse su.

⁴Edue cuana, daja huecha micuaneda. Cristo neje tupupai micuaneda curusu su manuana pu cua nime putsu, da su d'eji su epuani jacuatsasiati cuana sa eme jenetia. Micuaneda beju Cristo sa puji. Cristo eid'e pujiji neje dunejiji yani Diusu sa ai saida cuana bahui ya puji.

⁵Ecuaneda equene Cristo shanapaji mahue su, jacuatsasiati cuana sa eme su anina su, pamapa ai utsatada madhada cuana aina. Tueda ai madhada cuana ja ecuana emanu su dusutaina.

⁶Jiahue mu aimue ecuaneda jacuatsasiati cuana sa eme su yani mahue, Cristo neje tupupai ecuaneda manuana pu cua nime putsu. Aimue jiahue ecuaneda Diusu emebajainia mahue, jacuatsasiati edhi cuana a putsu. Jiahue mu ecuaneda nimeeichacua, eid'e putsu, Espíritu Santo sa tucheda neje Diusu emebajainia.

⁷Edue cuana, aimue ema jacuatsasiati cuana madhada hue epuani su mahue. Tueda jacuatsasiati cuana da saida, butsepi, ecuaneda juchaji eshanapametani putsu. Beju piada jabahuequisati yama micuana etia. Uja Diusu sa jacuatsasiati epuani: “Pia sa ai cuana be utsatabaji.” Ahua daja yama eutsataba su, da su ema juchaji epu. Ahua tueda jacuatsasiati aimue pu cua su, da su, ¿ai yama shanapa cua bata, ema jucha epuani, ahua mahue?

⁸Yama jacuatsasiati cuana daja saida eshanapaeninia biame, daja hue jucha aja yainia. Ahua jacuatsasiati cuana aimue pu cua su, da su aimue ema juchaji pu cua mahue.

⁹Beju yama jacuatsasiati cuana shanapaji mahue su, ema jucha mahue jabatiana. Jucha a putsu, aimue ema pibapibana mahue, jacuatsasiati cuana mue yama shanapa putsu. Tueda jacuatsasiati cuana yama beju shanapana su, ye chu ema juchaji jabatiana. Cuati castigo su quema puti taji yama shanapana, Diusu sa jacuatsasiati cuana mue yama ape putsu.

¹⁰Tueda jacuatsasiati saida cuana da eid'e eni jaametiji biame, ema matsetana.