Roma 7:17-24

¹⁷Ma a no mi e du den sani moro, ma na a sondu di e libi na ini mi.

¹⁸Mi sabi tak' no wan bun no de na ini mi, sobun na ini a sondufasi fu mi. Bika mi e angri fu du san bun, ma mi no man.

¹⁹Mi no e du a bun san mi wani du. Ma a ogri san mi no wani du, na dati mi e du.

²⁰So efu mi e du a sani san mi no wani fu du, dan a no mi e du en moro, ma na a sondu di e libi na ini mi.

²¹So mi kon si wan sani ini a libi. Dati na tak' te mi wani du bun, a ogri de leti drape.

²²Dipi ini mi ati mi lobi a wèt fu Gado,

²³ma mi e si tak' wan heri tra wèt e wroko na ini mi skin. Mi agri nanga a wèt fu Gado ini mi ferstan. Ma a tra wèt e feti nanga a wèt fu Gado, èn a e meki mi tron wan srafu fu a wèt fu sondu di de na ini mi.

²⁴Ai, mi de fu sari fu tru! Suma sa ferlusu mi puru ini a skin disi di o meki mi dede?