Rome Embokena 7:17-24

¹⁷Ava sedo, ari ekoko eraena amo, jo tofo nane ae eraena. Amo, Ari Eko nanda dubo jokáda irira aimi, sirureari amingeraena.

¹⁸Na kasama erena, nanda fisi jokáda roera eveva eni tefori. Ai resira amo: na ari eveva eni uju use ari dae kotarena amo, jo nane ari da kaugo irae ava arena.

¹⁹Na, ari eveva rea ari dae uju eraena ava kosasaghe dodo, ari ekoko imboe eraena, ava eraena.

²⁰Avori, amingeraena da tuka mo eviri. Na jo tofo nanda bajari iraeri. Ari Eko nanda dubo jokáda irira amo, nu nanda bajari edo irira.

²¹Avori, nanda fisi jokáda agho dari eni irira ava itatameraena. Roera eveva eni uju use ari dae koteraena ava kosasaghe dodo, ari eko avanembo eraena.

²²Nanda dubo jokáimi, na God da Agho Dari ava uju eraena.

²³Avata nanda fisi jokáda, na agho dari eni setena aimi eredo, God da Agho Dari nane uju eraena, ainghae dabade tataya eraira. Aimi na bundedo, Ari Eko da ungoda fiteari irá gheraena.

²⁴Na makasi embo bekari! Nanda dubo mema teria eresufira. Ainda beká mo: nanda dubo joká isambuimi, na God da Agho Dari uju eraena. Avata nanda fisi jokáda, na ari eko uju eraena. Ava sedo, mave foa na sonembari, fisi da ujuimi ambari budo refira, ava darigaeteni? Avata, darigari da emboro mo Bajari Iesu Keriso fira afigusira. Na nune sonembetiri aindae, na jo nanda tamo a fisi eko ainghae dabade ambae arena! Aindae sedo, na God Afakena ‘aiyakoe beká’ resena.