ROMA 1:3-11

³ia Natuna herevana, tau-anina ai David garana amo e vara,

⁴a Lauma Helaḡa ese mase amo e hatorea isi negana ai e gwauraia hedinarai mai siahuna ida, ia na Dirava Natuna; eda Lohiabada Iesu Keriso bunai.

⁵lena amo harihari-bada, bona aposetolo dagina, ai ese vada a abi, bena ia ladana dainai bese iboudiai baia hahelalodia kerehai, abidadama korikori bae abia;

⁶bona umui danu, Iesu Keriso ese e boirimuimu taumui.

⁷Dirava ese e ura henimuimu taumui Roma ai o nohomu, helaḡa taumui e gwauraimuimu, ba namo; Tamada Dirava bona Lohiabada Iesu Keriso edia anlo harihari-bada bona maino bavabi.

⁸Egu hereva gini-gunana binai: egu Dirava na hanamoamu Iesu Keriso ladana ai, umui iboumui ai daimui ai; badina be emui abidadama harina e piuamu ina tanobada heḡege-madai lalonai.

⁹Natuna ena sivarai namo isiaina laumagu ai na laohenimu Diravana na mai dibana, lauegu ḡuriḡuri na asi dokona umui daimui ai,

¹⁰bona egu ḡuriḡuri ai na noinoi louloumu, Dirava baine ura nega ta baina vasi itamui.

¹¹Badina be na ura lalo-dikamu baina itamui, bona Lauma ena harihari ḡauna baina henimui, bena ba gini tutuka-tutuka.