ROMA 1:20-27

²⁰tanobada matamana amo e hehuni ḡaudia, ena siahu bona ena kara, vada eme hedinarai, e kara ḡaudia ese vada e hahedinaraimu. Taunabunai, idia na asi edia hahekora herevadia.

²¹Badina be Dirava na dibadia, to edia Dirava ai asie halaoa, asie heatolaia, bona asie hanamoa; edia lalo-hadai vada e kavakava, bona lalo-duhu ese lalodia vada e hadiburadia.

²²Sibodia e tomava mai aonegadia, a ḡau be kavakava taudia ai ela;

²³noho hanaihanai Diravana hairaina e rakataniava, taunimanima laulaudia, bona manu, boroma, bona e raumu ḡaudia laulaudia, e toma henidia dihova.

²⁴Taunabunai, Dirava ese e kahudia nege, edia heḡahusi bodagadia bae ḡava, bena sibodia bae hahedika.

²⁵Badina be Dirava ena hereva momokani na idia ese koikoi ḡauna ai e boloava, e kara ḡaudia e toma heni dihova, bona isiaidia e lao heniva, a ikaradia Diravana na e dadaraiava. Hahenamo be iena ela bona hanaihanai. Amen.

²⁶Una dainai Dirava ese vada e kahudia nege, heḡahusi bodagadia bae badina; edia hahine ese hahine karana korikorina vada e ha-idaua, sibodia e heḡahusi hehenimu;

²⁷tatau danu, hahine vada e rakatanidia, sibodia e heḡahusi hehenimu; bena edia kara havara davana na tau-anidia ai e abiamu.