Rom 7:19-25

¹⁹Anɨg gö me, gɨ aij gɨnam, a gɨ nɨŋbin adö u gagabin; gɨ naij gagnam, a gɨ nɨŋbin adö u nöp pör gɨnö arab.

²⁰Anɨb u, yad gɨ naij gagnam, a gɨ nɨŋbin adö u nöp gabin rö, yad ke nan naij gagabin. Nan si nan naij gep magö u gasɨ hibur mɨdmagö yad aŋ daŋ mɨdöp u nöp gö gö gab nɨŋem gabin.

²¹Anɨb u, yad nɨŋbin, yad gɨ aij gɨnam a gɨ nɨŋbin u pen pör gɨ naij gɨnam rö löp.

²²Gasɨ yad u God lo ña u ñɨñɨ yabɨƚ lɨbin u pen gasɨ hibur mɨdmagö yad aŋ daŋ unbö ke göm, gasɨ magö yad u aip pen pen gö, nan si nan naij gep magö u hañ romaŋ yad aŋ gau mɨdöm, yɨp ud sɨsɨ lö, yad bɨ nagɨman rö mɨdpin.

²⁴Yad ñɨñɨ lagpin; bɨ mög gep rö mɨdpin. Gasɨ hibur mɨdmagö yad u yɨp al pak lɨnɨg gab; bɨ an yɨp ud kamɨŋ yunab?

²⁵Bɨ Kub hon Jisas Krais nöp! God nɨp aij a gabin! Pen manö hagpin i, anɨg göl mɨdöp: gasɨ yad u God nɨp nagɨ wög gep bɨ rö mɨdpin u pen mɨdmagö prɨ aŋ yad daŋ au, nan si nan naij gep magö u nagɨ wög gep bɨ rö mɨdpin.