Rom 5:10-16

¹⁰God kat kai walɨna njɨmbla God nɨn kat kɨmbɨk kwutndɨ. Kraistna kɨta lulu nɨmba tɨnangat God nɨn kat kwunakyandɨ njɨmbla njɨmbla. Wan nɨma njɨvwa ana lɨ.

¹¹Wan nyaangɨt ana ngɨlɨndɨ kwo lɨgandɨ. Nɨna njambwi nyan Jisas Kraist ngaga yalaa kwutnda njɨvwamba God nɨn kat kɨmbɨk kwutndɨ. kwutndangat nɨna maawut woviyaguga lɨganɨn.

¹²Tamba kɨta nyan Adam kavle vat yɨndɨ. Yɨnda nglambi ndinyangu aywaa wungi nglambimba lɨganɨn aywaa. Wan vat yɨndɨ maa kiyalɨnja vat kak kiyandɨ. Wungi kat tɨga kɨpma lɨga nɨmba aywaa Adam kwiya nglambimba kvale vat yelaa kiyalɨgandi.

¹³Ndinyangu tamba la nɨmba god kat kai wanjangat ana kiyandi. Adam ya nglambimba kiyandi. ndino kavle vat yiga lɨndi. Adam ta njɨmbla tɨga yiga Moses ta njɨmbla yandɨ. Wan njɨmblamba kavle vat kwo ylɨndi God waa lo kat kai walaa ana kavle vat yɨlandi. Lo ana kwiga lɨndɨ. Adam God waa nyaangɨt wutaa kai walaa kavle vat yɨndɨ. Wan nɨjsmbla lɨga nat nɨmba wupma ana yɨndi. Adam God waa nyaangɨt wutaa kai walaa kavle vat yɨndɨ. Wan njɨmbal lɨga nat nɨmba wupma ana yɨndi. Adam Kraist mbɨt kɨta lulu tɨmbɨk.

¹⁵Adam kwiya nglambi God awagapma kwunatnda vat kapma vatna. Nat nyan Adam, kavle vat yɨndangat nɨma sakwat nɨmba kiyandi. Nat nyan Jisas Kraist apma vat yɨndɨ.

¹⁶Adam kavle vat yɨndangat God nɨma sakwat nɨmba kat wandɨ. Kavle vat yɨngwangat waa wandɨ maa kiyalɨnja vat klandi. Kraist God ta vat kalalaa nɨma sakwat nɨmba kwunatndɨ. kwunatndɨ mala apma vat God yeta vat klandi. Adam ya vat Kraist ya vat kapma vatna.