Qɵl-bayawandiki sǝpǝr 1:1-12

¹Wǝ Israillar Misirdin qiⱪⱪandin keyin ikkinqi yili ikkinqi ayning birinqi küni Pǝrwǝrdigar Sinay qɵlidǝ, jamaǝt qedirida turup Musaƣa mundaⱪ dedi: —

²Silǝr pütkül Israil jamaitini ⱪǝbilisi, ata jǝmǝti boyiqǝ sanini elip qiⱪinglar; adǝmlǝrning ismi asas ⱪilinip, barliⱪ ǝrkǝklǝr tizimlansun.

³Israillar iqidǝ omumǝn yigirmǝ yaxtin axⱪan, jǝnggǝ qiⱪalaydiƣanlarni Ⱨarun bilǝn ikkinglar ularning ⱪoxun-ⱪismiliri boyiqǝ sanaⱪtin ɵtküzünglar.

⁴Ⱨǝrbir ⱪǝbilidin silǝrgǝ yardǝmlixidiƣan birdin kixi bolsun; ularning ⱨǝrbiri ularning ata jǝmǝtining bexi bolidu.

⁵Tɵwǝndikilǝr silǝrgǝ yardǝmlixidiƣanlarning isimliki: — Rubǝn ⱪǝbilisidin Xidɵrning oƣli Əlizur;

⁶Ximeon ⱪǝbilisidin Zurixaddayning oƣli Xelumiyǝl;

⁷Yǝⱨuda ⱪǝbilisidin Amminadabning oƣli Naⱨxon;

⁸Issakar ⱪǝbilisidin Zuarning oƣli Nǝtanǝl;

⁹Zǝbulun ⱪǝbilisidin Ⱨelonning oƣli Eliab;

¹⁰Yüsüp ǝwladliri iqidǝ Əfraim ⱪǝbilisidin Ammiⱨudning oƣli Əlixama; Manassǝⱨ ⱪǝbilisidin Pidaⱨzurning oƣli Gamaliyǝl;

¹¹Binyamin ⱪǝbilisidin Gideonining oƣli Abidan;

¹²Dan ⱪǝbilisidin Ammixaddayning oƣli Aⱨiǝzǝr;