Pwovèb 6:28-34

²⁸Ou pa ka mache sou chabon dife pou pye ou pa boule.

²⁹Konsa tou, se yon gwo danje pou ou kouri dèyè fanm yon lòt gason. Depi ou manyen yon fanm konsa, ou gen pou ou peye pou sa.

³⁰Menm lè yon vòlò vòlò paske li grangou, se pa sa ki di li pa vòlò pou sa.

³¹Si yo bare l', y'ap fè l' peye sèt fwa lavalè sa l' pran an. Y'a fè l' bay tou sa li gen lakay li.

³²Men, yon nonm ki fè adiltè, se moun fou li ye, se detwi l'ap detwi tèt li.

³³L'ap pran baton. Y'ap pase l' anba kont betiz, l'ap toujou wont pou sa l' fè a.

³⁴Lè yon mari ap fè jalouzi pou madanm li, nanpwen move tankou l'. Jou li mete men sou nèg la, pa gen anyen li p'ap fè l'.