Proverbio 6:28-34

²⁸Mo gatinan di esay ipogaw di man-ganggangab ay oling, ay adi maatongan din siki na?

²⁹Siya abe sin makidaag sin asawan di ib-a na, magay adi madosa ay mangamag sina.

³⁰Adi maoyaw di ipogaw ay mangakew ta pangagas nas dagaang na.

³¹Ngem mo mad-asan, bayadana pay dedan di mamin pito ay banol din inakew na ono idawat na am-in ay wadan sisya.

³²Ngem din makibabai et magay nemnem na, tan owat nan dadaelen di awak na.

³³Sakit di awak ya kaibabainana ay adi kaponas di magon-od na.

³⁴Tan palalo ay bomonget din asawan di babai gapo si imona, et magay seg-ang na mo man-ibaes.