Psam 90:2-7

²Tam rorowainagha na God waghata bi muriye da koya kuyaberadi da muriye na kubura kuyabera.

³Wawaya kwawonedi bo, “Koveramagha konidobodobo magha!” Na kwawamiridi da saveramagha sidobodobo, mema sipiikana.

⁴Mata kamomve, na bodu 1,000 na ware gabudara tanagha naboni, toudi ware raghani tupona nubabasu kamone.

⁵Wawaya yadi yawa kwabori yaininagha ware raghanina mimeu yakovina naboni. Touda ware rei didibare yagogo yageena naboni.

⁶Didibare na reina matayina da yagogo yapora bi ravidiye na yivivi da yarabobo.

⁷Noko naboni da yam nuwapughu ghamana yiberomii. Raghanina nuwanuwam yapughu toumii biiyadi, na parapa kanagharena kirakiiyem.