Psam 34:6-21

⁶Tagu piropiro kamone bi arupari na Yawe God iwaiyanegu, touna yagu nuwapoya tupadi kamodima iviyawiigu.

⁷Bi wawaya iiyawogha Yawe God sakabi karawayeni, na yana aneya inakoyayidi, bi riiridiye yamake da yitarababaranedi.

⁸Na Yawe God biidi komiiriwamira bi tami bada konakabibanani da yana miisena metagha. Memeda wiiwiita kiiravine konanagho touna biidi, na tami parapa koninuwamiise.

⁹Tami wiiwiigeruwana dammi, Yawe God kokabikarawayeni. Wawaya iiyawogha sakabikarawayeni na getana awaki siyadadiyenina.

¹⁰Raghani viya, na laiyon kadi kam sarukwamra na vitonana sarabobo, bi gegha da Yawe God yana wiiwiigeruwana damdi na sawara miisedi bogaebogae gesinadiyanana.

¹¹Natunatugu, kopiika yagu sisiya konawaiyana. Tagu aniyevevemi da metagha Yawe God konakabikuwayeni.

¹²Memeda makewiiguri konakayoveni bi yawa miisena kabina,

¹³na gewawaya konisisiya berovedi da gekoniyabana.

¹⁴Berabero beradima komiiriwamira, bi miisena konabera, kovi matipo kirakii bi wawaya koniwiitedi da nuwaruririye sinamakae.

¹⁵Yawe God na rotomana berabera wawayidi yakighukighudi, raghanina wiiwiita kiiravine sakwatu touna biidi na yawaiyanedi.

¹⁶Bi bera bero wawayidi na yamiiri kubutedi da yiaviyedi, toudi sinarabobo da getana iiyabo inanoghota mayedina.

¹⁷Raghanina Yawe God yana wawaya wiiwiita kiiravine sarukwatu, na yawaiyanedi, da yadi piropiroma yiyawiidi.

¹⁸Yawe God na noghota kawakawa wawayidi yagwabigwabiyedi, bi raghanina wawaya yadi noghota parapa sabeku na yiwiitedi.

¹⁹Rotomana berabera wawayidi na nuwapoya peyaridi sabanana, bi gegha da Yawe God yiwiitena nonovedi.

²⁰Touna irikedi tupadi yabaabarena wiimasiyedi da irikedi getana inipokina.

²¹Bi wawaya berodi kiiravidiye, na toudi wosina yadi berona sinageghomiiri da sinirabobodi, bi rotomana berabera wawayidi kadi aviya na aro sinakabi.