Psam 27:8-14

⁸Tam kuwonegu bo, Piika kunisisiya tagu biidi, na kata apiipiika tam biidi.

⁹Tagu yam wiitamariyana, genuwanuwam inapughu da kunamiiri kubuteguna, gegwabiguma kunakowoghana! Tam kuviyawiigu bi nonowa kwiiwiitegu, na kata gekunakuyoveguna!

¹⁰Meboda tamagunaki da sinagunaki sinamiiri kubutegu, bi gegha, Yawe God na nonowa inakoyakoyayigu.

¹¹Yawe God, kagu aviya sikoyakoyagha da sinaburavigu, na kiyevevegu da anakivinim, bi keda rotomanidiye kinaghovegu.

¹²Nokodi aviyidi kiiraviguve sisiya wiiyaba saberabera, yadi wiina da siniberogu, na gekuniwaghasinedi da sinaburaviguna!

¹³Bi gegha da iitumaghana da Yawe God miisena inabera tagu biidi, raghanina mmko kuburina debane patana yawayawiiguve amakamakena bi anakitani da noko inabera.

¹⁴Na tam Yawe God kitumaghaneni, kimaragata bi nuwanuwam inatora, na Yawe God kitumaghaneni.