Sam 27:8-14

⁸Sipu zama si Agoi, “Mu hata Au,” si olaṉa atu sa buloqu, “Korapa hata Igo rau, Zihova.”

⁹Mu lopu va paere pule nigo koa rau! Lopu bugoro nau! Mu lopu gala pani au sa Mua nabulu. Visoroihe si ele toka nau tugo Goi, ke Mu lopu kilu au na luara pani au, Mu lopu koa va seu koa rau, ke Tamasa, qua Hinarupu!

¹⁰Be veko pani au rina tiatamaqu, ba Agoi Zihova mo si kaqu kopu nau si rau!

¹¹Zihova, va tumatumae nau sa Mua hiniva koa rau, Mamu turaṉau pa siraṉa toṉoto, sina sokudi sari na qua kana!

¹²Mu lopu vala au koari na qua kana, ura na tie sekesekei si arini pu zutu kokoha au pa dia ṉinovaṉovala.

¹³Gilania rau sapu kaqu dogoro sotia rau sa learane te Zihova koasa popoa tadi na tie toadi.

¹⁴Mu raṉea se Zihova, koa varane, mu lopu koa malohoro pa rinaṉeraṉe. Mu kalavarae koe Zihova!