23I pan kamela me palian i mo a, o I pan kaloke ir, me kailonki i.
24A ai melel o kalanan pan mi re a, o ni mar ai oj a pan pokapokada.
25I pan ki on pa a, en kaunda madau, o pa a maun, en kaunda pil akan.
26A pan likwir don ia: Komui Jam ai, ai Kot, o paip en maur i.
27O I pan wia kila i nai mejeni, ileila jan nanmarki en jappa kan.
28I pan kalanan on i kokolata, o ai inau on i pan duedueta.
29I pan ki on i kadaudok a kokolata, o mol a pan warai dueta lan.
30A ma na kan pan muei jan ai kapun, o re jota pan weweid ni ai kujoned akan,
31Ma re pan kajaminela ai tiak kan, o jota peiki on ai kujoned akan,
32I ap pan kaloke kin ir ar katiwo ki jokon pot, o pan woki ir, pweki ar japun.
33A I jota pan kiwei jan i ai mak, o ai melel pan mimieta re a.
34I jota pan kawela ai inau, o I jota pan kawukila, me kowei jan nan au ai.
35I kaukilar ai jaraui pan me pak, me I jota pan likam on Dawid:
36Kadaudok a pan joutuk, o mol a dueta katipin mo i.
37A pan duedueta dueta jaunipon; o jaunkadede nan tapok kan me melel. Jela.
38A met komui kajapokela o onioni japwilim omui me keidier.
39Kom kotin kajela inau en omui ladu, o kom kotin kajaminela mar a.
40Kom kotin karonk pajan a kel akan karoj, o kawelar a im teneten kan.
41Karoj me daulier waja o kulia janer; a wialar kankaurur on men imp a kan.
42Kom kotin pokada pali maun en me palian i, o kaperendar a imwintiti kan karoj.
43Kom pil kotiki janer mana en a kodlaj kon, o jota kapwaiada i ni pei.
44Kom kotin kaimwijokalar a linan, o kajedi on nan pwel mol a.
45Kom kamotomotala ran en a manakap, o kadupalekidi i namenok. Jela.
46Arai da, Main Ieowa, me kom pan kotin karirela pein komui; arai da omui onion pan lulada dueta kijiniai?
47Kom kotin tamanda duen motomot en maur i; de me mal kot omui kotin wiadar aramaj akan?
48Ij ol o, me maur ap jota pan lel on mela? A pan kak dorela pein i jan mana en wajan mela? Jela.
49Main, ia omui kalanan en maj o, me kom kotin inauki on Dawid ni omui melel?
50Main, kotin tamanda kankaurur en japwilim omui ladu kan jan ni wei toto, me kin katoutoui monion i.
51Main Ieowa, iaduen lalaue en omui imwintiti kan, iduen ar lalaue lip en japwilim omui me keidier.