Psalms 86:2-16

²Kom kotin apwali maur i, pwe nai me lelapok. Main Kot, kom kotin jauaja ia, japwilim omui ladu men et, me liki komui.

³Main, kom kotin maki on ia, pwe i kin likwir on komui ni anjau karoj.

⁴Kom kotin kaperenda monion en japwilim omui ladu, pwe monion i kin anane komui Main.

⁵Pwe komui Main me mau o kalanan, o kom kotin kalanan on ir karoj, me kin likwir on komui.

⁶Main Ieowa, kom kotin ereki ai kapakap, o kotin mani nil en ai nidinid.

⁷Ni ai apwal akan i kin likwir on komui, pwe kom, kotin mani ia!

⁸Main, jota me dueta komui nan pun en kot akan; o jota me kak wiawia dueta komui.

⁹Men liki kan karoj pan pwarado, pwen kaudoki on komui Main, o wauneki mar omui.

¹⁰Pwe komui me lapalap, me kin wiada manaman, o komui ta me Kot.

¹¹Main Ieowa, re kotin kajale on ia al omui, pwe i en weweid ni omui melel, kom kotin kolekol monion i on iet eta: Majak mar omui.

¹²I men kapina komui Main, ai Kot, jan nan monion i, o wauneki mar omui kokolata.

¹³Pwe omui kalanan me laud on ia; komui dore maur i jan nan wajan mela.

¹⁴Main Kot, me aklapalap akan kin palian ia, o pwin en me weit akan kin majamajan maur i, o re jota kin weweid mon jilan omui.

¹⁵A komui Main Kot, me dir en kalanan, o mak, o kanonama, o omui kapunlol o melel me lapalap.

¹⁶Kom kotin wukidoki don ia, o maki on ia, o kamaui kida japwilim omui ladu omui manaman, o kotin jauaja nain japwilim omui lidu!