7Kalelapok, Ieowa pan kotin onion kokolata, o a jota pan kotin maki on?
8A kalanan rojelar melel, o a inau imwijokalar kokolata?
9Kot kotin malielar a mak on kit, o a karirikilar onion a kalanan? Jela.
10Ari jo, i indadar: Mepukat me mau on ia; pali maun en lim en me Lapalap pan kak dorela meakaroj.
11I me i kin taman kida wiawian Ieowa; melel i kin tamanda omui manaman akan jan maj o,
12O madamadaua duen omui wiawia kan karoj, o kilekilan duen omui dodok.
13Main Kot, al omui me pun. Ia waja amen Kot manaman mia dueta Kaun o?
14Komui ta Kot me kin wia manaman akan. Komui kotin kajanjaledar omui manaman nan pun en wei kan.
15Komui kotin dore kila japwilim omui kan omui manaman, iei jeri en Iakop o Iojep akan. Jela.
16Pil akan ariri komui, Main Kot, pil akan ariri komui, rap majapwekadar, o waja lol rererdar.
17Tapok kalaimun akan kamoredier pil, tapok kan wiadar nanjapwe, o liol piripir jili.
18Nanjapwe wiauier nanlan; japwilim omui liol akan kamaraini jappa; jappa mokieda o rerer.
Psalms 77
Psalms 77:7-18