Psalms 74:1-11

¹A Got, mangfan ni kam n’agmad ni aray rogon? Mog, yug ra um par ni gab damumuw ko girdi’ rom ni dariy n’umngin nap’an?

²Mu tay u wun’um e girdi’ rom, ni mu mel’egrad kakrom ni ngar manged girdi’ rom, ni pi’in ni mu chuwegrad ko sib ngar manged birom e ganong. Mu tay’ u wun’um e Burey nu Zion, ni um par riy bingyal’.

³Man u daken gubin e tin ke mogothgoth’; pi to’ogor romad e kar gathayed gubin ban’en u Tempel.

⁴Pi to’ogor rom e kar garus niged e gel ni kar ted u Tempel rom; kar ted e flak rorad ngaram ni pow ko gel ni kar ted.

⁵Yad bod e pi tadimow ren ni yad be toy e gek’iy nga but’ ko tow rorad.

⁶Kar t’ared gubin e palang ko tow nge amma rorad.

⁷Kar bilged e Tempel rom kar paged e nifiy ngay; kar dariyfan niged e gin yima liyor ngom riy.

⁸Yad ba’adag ni ngar thirfed gamad u but; kar urfiyed nga but’ gubin yang nib thothup u lan e nam.

⁹Urngin e pow ni thothup romad e dakriy; ma de magach ta’reb e profet, ma dariy be’ ni manang n’umngin nap’an me mus e ran’ey.

¹⁰A Got, bu uw n’umngin nap’an ni ngi i minmin e pi to’ogor romad ngom? Ngu’ur dariy fanaged fithingam ni manemus?

¹¹Mangfan ni kam siyeg ni ngam aywegmad? Mangfan ni kam m’ag pa’am nga ker’um?