ܡܙܡܘܪ̈ܐ 74:1-11

¹ܩܵܡܘܿܕܝܼ، ܝܵܐ ܐܲܠܵܗܵܐ، ܩܵܡ ܡܲܚܦܸܠܸܬ ܠܲܢ ܠܥܵܠܲܡ؟ ܬܲܢܬܘܼܢܹܐ ܝܠܵܗ̇ ܚܸܡܬܘܼܟ݂ ܥܲܠܔ ܦܸܣܩܵܐ ܕܡܲܪܥܝܼܬܘܼܟ݂؟

²ܕܟ݂ܘܿܪ ܠܟܢܘܼܫܝܘܼܟ݂ ܕܙܒ݂ܝܼܢܘܼܟ݂ ܡ̣ܢ ܙܲܒ݂ܢܵܐ ܩܲܕܝܼܡܵܝܵܐ، ܫܲܒ݂ܛܵܐ ܕܝܵܪܬܘܼܬܘܼܟ݂ ܕܦܘܼܪܸܩ ܠܘܼܟ݂، ܠܐܵܗܵܐ ܛܘܼܪܵܐ ܕܨܸܗܝܘܿܢ ܕܫܪܹܐ ܠܘܼܟ݂ ܒܝܼܹܗ.

³ܡܲܦܬܸܠܔ ܦܵܣܘܿܥܝܵܬܘܼ̈ܟ݂ ܠܓܹܒܵܐ ܕܚܵܪ̈ܵܒܹܐ ܕܥܵܠܲܡ، ܟܠܔ ܒܝܼܫܬܵ‌ܐ ܥܒ݂ܝܼܕ ܠܹܗ ܕܸܫ̃ܡܸܢ ܒܡܲܩܕܫܵܐ.

⁴ܓܘܼܪܓܸܡ ܠܗܘܿܢ ܕܸܫ̃ܡܸܢܘܼ̈ܟ݂ ܒܓܵܘܵܐ ܕܓ̰ܵܡܵܥܲܬܘܼܟ݂، ܡܘܼܩܸܡ ܠܗܘܿܢ ܐܵܬܘܵܬܵܝ̈ܗ‌ܝ ܐܲܝܟ݂ ܢܝܼܫܲܢܩܹ̈ܐ.

⁵ܗܘܝܼܹܐ ܝܗܘܵܘ ܐܲܝܟ݂ ܡܵܚܝܵܢܵܐ ܕܢܲܪ̈ܥܹܐ ܒܐܝܼܠܵܢܹ̈ܐ ܕܥܵܒ݂ܵܐ.

⁶ܘܐܵܕܝܼܵܐ، ܢܩܵܪ̈ܝܵܬܘܼܗ‌ܝ ܟܠܵܝܗ‌ܝ ܡܸܚܕܵܕܹ̈ܐ، ܒܚܵܨܝܼܢܹ̈ܐ ܘܢܲܪ̈ܥܹܐ ܛܲܚܛܘܼܚܹܐ ܝܢܵܐ.

⁷ܕܪܹܐ ܠܗܘܿܢ ܒܢܘܼܪܵܐ ܡܲܩܕܫܘܼܟ݂، ܠܐܲܪܥܵܐ ܫܚܝܼܡ ܠܗܘܿܢ ܡܲܫܟܢܵܐ ܕܫܸܡܘܼܟ݂.

⁸ܐܡܝܼܪܗܘܿܢ ܒܠܸܒܵܝܗ‌ܝ: ”ܙܵܠܡܲܚ ܠܟܠܵܝܗ‌ܝ.“ ܡܘܼܩܸܕ ܠܗܘܿܢ ܟܠܵܝܗ‌ܝ ܟܢܘܼܫܝܵܬܹ̈‌ܐ ܕܐܲܠܵܗܵܐ ܒܐܲܪܥܵܐ.

⁹ܢܝܼܫܲܢܩܹ̈ܐ ܐܸܠܲܢ ܠܹܐ ܝܘܲܚ ܒܸܚܙܵܝܵܐ، ܠܲܝܬ ܐܚܹܪܢܵܐ ܢܒ݂ܝܼܵܐ، ܘܠܲܝܬ ܥܲܡܲܢ ܚܲܕ ܕܝܵܕܹܥ ܗܲܠܔ ܐܝܼܡܲܢ.

¹⁰ܗܲܠܔ ܐܝܼܡܲܢ، ܝܵܐ ܐܲܠܵܗܵܐ، ܒܸܬ ܠܵܐܹܡ ܡܲܠܝܸܨܵܢܵܐ؟ ܒܸܬ ܡܲܣܚܸܪ ܕܸܫ̃ܡܸܢ ܒܫܸܡܘܼܟ݂ ܠܥܵܠܲܡ؟

¹¹ܩܵܡܘܿܕܝܼ ܡܲܕܘܼܪܹܐ ܝܘܸܬ ܐܝܼܕܘܼܟ݂ ܘܝܲܡܝܼܢܘܼܟ݂؟ ܡ̣ܢ ܓܵܘ ܥܘܼܒܘܼܟ݂ ܦܲܠܸܛ ܠܵܗ̇ ܘܛܲܠܸܩ ܠܹܗ.