Psalms 65:4-13

⁴Meid pai, me kom kotin pilada o mueid on, en pwarala re omui, pwen kaujon nan japwilim omui kel; kit pan tunetunole o medikila dipijou en tanpaj omui, japwilim omui im en kaudok jaraui.

⁵Kom kotin mani kit duen omui pun kapuriamui, Kot, at jaunkamaur, komui me kapore pan meakaroj nin jappa, o me mi waja doo ni kailan madau;

⁶Me kotin pajonedier nana kan, pwen teneten ni a kelail, i me audeki manaman.

⁷Komui katukiedi nirjok en madau, nirjok en a iluk kan, o moronaron en aramaj akan.

⁸Me kaujon ni imwin jappa, kin majakada omui kilel akan; komui kin kaperenda me kaujon ni pali maj o ni pali apon.

⁹Kom kin kotin kupura jappa o kawujokejok o kakepwapwala i melel. Parer en Kot me dir en pil kaualap. Kom kin kotin jauaja ar wantuka kan, iduen omui kotin kapaiada jap o.

¹⁰Kom kin kotin kapileda ar jap akan o kawujokejok ar mad akan o kamuterok kila katau o kapaiada ar tuka kan.

¹¹Kom kotin kapwada kidar jaunpar omui kalanan; o lip en aluwilu ar me dir en kamau kan.

¹²Moj en nan jap tan pil pwaida mau, o dol akan kin pereperen.

¹³O mal akan me dir en pwin jip, o jap me rokeki korn, me mau on nijinij o kakaul.