Psalms 41:3-13

³Ieowa pan kotin kakelada i ni a pan mela; kom kin kotin jauaja i ni a jomau karoj.

⁴Nai inda: Main, kom kotin maki on ia; kakelada nen i, pwe nai wiadar dip on komui.

⁵Ai imwintiti kan kin lokaia jued duen nai. Iad a pan mela o mar a pan ririla?

⁶A kin kodon kilan ia, a kin lokelokaia, a monion a me toror, pwe a kin rapaki karepan a lalaue, ap kokowei lokelokaia due.

⁷Karoj me kailon kin ia, kin lidilidumonin kin ia, o re madamadaua jued duen nai.

⁸Me juedkot mi re a; a pupedier o jolar pan uda.

⁹Pil kompoke pa i, me i liki, o me ian ia manamana, kin tiaki ia di.

¹⁰A komui Main kotin maki on ia, o kau ia da, i ap pan depuk on ir.

¹¹I me i pan ajaki, me kom kotin kupura ia, pwe ai imwintiti ender nijinij kin ia.

¹²A kom kin kolekol ia pweki ia lelapok, o kom pan kotin kajone ia di mon jilan omui kokolata.

¹³Kapina on Ieowa, Kot en Ijrael jan met o kokolata! Amen. Amen.