Yabura 41:3-13

³Alatala a ratangama nɛ, a a rabalo. A ɲɛlɛxinma nɛ duniɲa. I mu a luma a yaxuie sagoe.

⁴Alatala a malima nɛ a fura tɛmui, a a rayalan.

⁵N a falama a bɛ, «Alatala, hinnɛ n na. N nayalan barima n bara yunubi raba i ra.»

⁶N yaxuie wɔyɛn ɲaaxie falama, e naxɛ, «A faxama mun tɛmui? A xili lɔɛma mun lɔxɔɛ?»

⁷Naxan fama n xɛɛbude a filankafui wɔyɛnyi falama. Fe ɲaaxi gbo a bɔɲɛ kui. A na keli n xun ma, a na mɔɔli falama.

⁸N xɔnmixie n ma fe makɔlikɔlima e boore bɛ, e xa n tɔɔrɔ.

⁹E naxɛ, «Fure ɲaaxi bara a suxu, a bara tagan, a mu kelima sɔnɔn.»

¹⁰Hali n dɛfanboore, n nu laxi naxan na, muxu nun naxan nu muxu dɛgema yire keren, na bara a kobe ti n na.

¹¹Alatala, hinnɛ n na, i xa n nakeli, alako n xa n yaxuie sare ragbilen e ma.

¹²N a kolon n nafan i ma, barima i mu n luma n yaxuie sagoe.

¹³I n malima nɛ barima n tinxin. I bara tin n xa lu i sɛɛti ma abadan.