Psalms 40:5-14

⁵Main ai Kot, meid kapuriamui japwilim omui dodok kan o omui madamadaua, me komui kotin kajale on kit. Jota me rajon komui. I men kaparok o kajokajoi duen, a re jota mau on wadok.

⁶Kom jota kotin kupura mairon man de mairon wan tuka kan; a kom kotin kawajak pajan jalon ai; kom jota kotin mauki mairon ijij de mairon en dip.

⁷Nai ap inda: Kilan, I kokodo; nan puk o me intinidier duen nai.

⁸I men kapwaiada kupur omui, ai Kot; o japwilim omui kapun o mi nan lol en monion i.

⁹I pan padaki on momodijou laud duen me pun. Kilan, i jota pan nenenla, Main kom kotin mani.

¹⁰I jota okila omui pun nan monion i. I kin kapakaparok duen omui melel o maur, i jota kin okila omui kalanan o melel mon momodijou laud.

¹¹A komui Main der kotiki jan ia omui kalanan, omui kalanan o melel en jinjila ia anjau karoj.

¹²Pwe ai kalokolok kapil ia pena, o re jota mau on wadok; dip ai katoutou ia, i ap jolar kilan waja; ir me toto jan pit en mon ai, ap jolar anian.

¹³Kom kotin kupura ia Main, o kotin dore ia la; Main kom kotin jauaja madan!

¹⁴Me kin majamajan ia, pwen kame ia la, en namenokala o lijela; me men wia jued on ia, en purewei o lijela.