Psalms 38:2-14

²Pwe japwilim omui kananan kajik katieu lel don ia, o lim omui katoutou ia.

³Jota mau kot ni pali war ai pweki omui onion, o jota moleilei nan kokon ai kan pweki dip ai

⁴Pwe dip ai kin kadupaledi mon ai, re kin katoutou ia dueta meakot me toutou melel.

⁵Ai ola kan pojuedela o nanan pweki ai pweipwei.

⁶I kin koj pena o pairok wei alialu, i kin injenjued anjau karoj,

⁷Pwe lonelon ai monedier melel, o jota mau kot ni pali war ai.

⁸Nai luetalar melel o i wokiwok pajaner. I kin janejan, pweki monion i jota kak moleilei.

⁹Main, kom kotin mani ai inon karoj, o ai janejan jota rir jan komui.

¹⁰Monion i rerer, ai kelail ko janer re i, o marain en maj ai pil rotorotala.

¹¹Kompoke pai o ai warok kan kin doowei jan ia, o juedeki ai kalokolok, o jau i kan kin doo jan ia.

¹²O me kin inon ion kame ia la, kin majamajan ia, o me men wia jued on ia, kin indinda duen ar pan wiada dodok jued, o re kin widiwidin anjau karoj.

¹³A nai dueta me jalonepon amen, me jota ron waja, o dueta me loton, me jota kak jar pajan au a.

¹⁴Nai dueta ol amen me jolar ron waja, o jota depuk en lokaia mi nan au ai.