Salmos 38:2-14

²Be sabsur-angi-uludedba an naibigunonikid, be angi sabsur-gwisgunonikid.

³An-isgusad-ular, be anse uludedbali, an-san bar nuedsulid, an-garmar bar nuedsulid.

⁴An-isgued bela an-nonogagas naid, ibmar-aidikidyob angi signonikid.

⁵An binsaedsuli gudigusad-ulale, an-sanse-bakale, nunusar yapangusad, bela sibudik-sibudikgusad.

⁶Nue-ibitos itoleged, bela-bela an oitolesad, nue-wiles itoleged.

⁷Bela-bela an uedik itoged, an-san bela ibitosad.

⁸Nue geggus itoleged, nunumakesar itolegusad. An gwage-nunmaked-dummad nue-itonaid.

⁹Bab-Dummad, an-ibmar-abeged bela be wisid, an-ibmarbina-gudiid begi dukunaisulid.

¹⁰An-gwage sabesur dik-dik-naid, an-niga argwated, nue an ataksurgusad.

¹¹An bonigan-nikadba, an-aimar, an-sordamar, angi bangudmalad. An-gwenadgan angi deyob bangudmarmogad.

¹²An-oburgwebi-gudimaladi, an-yardakega angi arbananaid. An-oitomaloye-sogdimaladi, an-yardakega arbakee bane-bane igar-aminanaid.

¹³Degi-inigwele, uayasuliyob an imaksad, yamo amar-itonaisuliyob an imaksad. Amar-abin an sunmaksasulid, wissur-sunmakeyob an imaksad.

¹⁴Degisoggu, dule-uayasulidyob an gued, wissur-emar-abinsaedyob an gued.