Psalms 22:5-26

⁵Irail likwir on komui, rap dorelar, re liki komui, rap jota namenokala.

⁶A nai dueta kamatol amen, a kaidin ol amen, me aramaj akan kin lalaue o mamaleki.

⁷Karoj me kilan ia, kin lalaue, ia, jara pajan au arail o tuetuäl mon arail:

⁸A kin liki Ieowa, i en dorela i, o kamaioda i, pwe a kin kupura i.

⁹Pwe komui kotin kaipwi ia jan nan kaped en in ai; komui ta, me i liki jan ni anjaun ai mi ni maramaran in ai.

¹⁰Jan nan kaped en in ai i lokidokilan komui; komui ta ai Kot jan ni anjaun ai mi pon kopan in ai.

¹¹Kom der kotin doo jan ia, pwe anjaun kalokolok korendor, ap jolar jauaj pa i.

¹²Kau ol kalaimun kan kapil ia penaer, o kau ol en Pajan kele ia pena.

¹³Irail jara don ia dueta laien weriwer o laualo amen.

¹⁴Nai wudokilar dueta pil, ai kokon akan karoj muei pajaner, o monion i pei pajaner nan kaped i dueta wi.

¹⁵Ai kelail nalanal lar dueta diper en dal eu, o lo i pajadan pan natanat ai, o komui kin wia kin ia me melar amen.

¹⁶Pwe kidi kan kapil ia pena, o pwin aramaj jued eu kele ia pena, irail kapore pajan pa i o nä i kat.

¹⁷I kak wadok kokon ai kan karoj; a irail kin kilekilan ap peren kida.

¹⁸Re kin nek pajan ai likau kan nan pun arail, o re doropweki ai likau pup.

¹⁹A komui Main ender doo jan ia! Ai kel madando o jauaja ia!

²⁰Dorela maur i jan kodlaj, pwe me ta ieu, o jan nan kel en kidi!

²¹Jauaja ia jan nan au en laien, o dore ia la jan oje en man laualo!

²²I pan padaki on ri ai kan duen mar omui, o i pan kapina komui nan momodijou.

²³Kapina Ieowa komail me majak i, o kadaudok en Iakop en kalinanada i, o wan Ijrael karoj majak i.

²⁴Pwe a jota kotin mamaleki de juedeki me luet akan; o a jota kotin karirila jilan i jan irail; o ni a likwir on i, a kotin erekier.

²⁵I pan kapina komui nan momodijou kalaimun; i pan kapwaiada ai inau mon ir me lan i.

²⁶Me luet akan en mana o medila, o me idok Ieowa, pan kapina i; nen omail pan memaureta kokolata.