Psalms 142:4-7

⁴Gu ra changar u chireg, mug guy ndariy be’ nra aywegeg, dariy be’ nra yoror rog. Dariy be’ nra magfan’ ngog.

⁵SOMOL, gu be yornag e ayuw ngom; i gur, SOMOL, e manaf rog; kemus ni gur e pagan’ rog ko biney e tamilang.

⁶Mu telim ngog ni gu be ning e ayuw, ya kar gu bilig t’ay e gafgow! Mu ayuwegneg u pa’ e to’ogor rog; ya dabyag gelingrad rog.

⁷Mu chuwegeg u fithik’ e gafgow ni kug aw ngay; ma aram e gu ra pining e sorok ngom u lane mu’ulung rok e girdi’ rom ni bochan e ri gab gol ngog.