Mboe 142:4-7

⁴Mi motoŋ lae zilŋoŋ uunu na, tomtom sa imbot be iuulu yo na som. Mi muriŋ sa be aŋke lela mi aŋbot ambai pa na som. Mi tomtom sa ikam ŋgar pio som.

⁵Yooba, nio aŋtaŋroro u be uulu yo. Mi aŋpase pu mi aŋso ta kembei: Nu ta ko menderkaala yo mi we ur pio be aŋke lela. Tana mazwaana ta so aŋbotmbot su toono na, sombe nu mbotmbot raama yo, na aŋru leŋ koroŋ toro mini paso? Pa nu kampewe yo mi aŋbotmbot se ku pa koroŋ ta boozomen.

⁶Ŋgun talŋom pa tiŋiizi tio. Pa iŋgi pataŋana tio taiŋgi ikoto yo ma aŋbot ŋoobo kat. Tatke yo pa koŋ koi bizin naman. Pa zin wal ta tiketoto yo na, mburan ilip kat pio.

⁷Iŋgi aŋyamaana kembei aŋbot lela ruumu sanaana leleene i. Tana uulu yo be aŋyooto. Naso aŋpakur zom. Mi zin wal ndeeŋeŋan ko tire kampeŋana ku ta swe pio na, ma timar tiliu yo mi niamŋan ampakur zom.