Psalm 9:3-15

³Mwet lokoalok luk elos folokla ke pacl ma kom sikyak; Elos putatla ac misa.

⁴Kom suwoswos ac pwaye in nununku lom, Ac kom wiyu lac ke kom nununkeyu.

⁵Kom nununku lain mwet pegan Ac kom kunausla mwet koluk; Inelos ac fah tia sifil esamyuk.

⁶Mwet lokoalok lasr fah wanginla ma pahtpat, Tuh kom kunausla siti selos, Ac elos tiana sifil esamyuk.

⁷Tusruktu LEUM GOD El tokosra ma pahtpat; El oakiya tron lal tuh in nien nununku.

⁸El leumi faclu ke suwoswos; El nununku faclu ke nununku suwohs.

⁹LEUM GOD El nien molela nu sin mwet akkeokyeyuk, El nien wikla in pacl upa.

¹⁰LEUM GOD, elos su etekom ac fah lulalfongi kom; Ac kom tia sisla kutena mwet su tuku nu yurum.

¹¹Yuk on in kaksak nu sin LEUM GOD, su muta ac leum in Zion! Fahkak nu sin mutunfacl nukewa ma El orala.

¹²God El esamulos su keok; El tia mulkunla tung lalos, Ac El kaelos su oru koluk nu selos.

¹³O LEUM GOD, pakoten nu sik! Liye mwe keok su mwet lokoalok luk elos oru nu sik! LEUM GOD, moliyula liki misa,

¹⁴Tuh nga fah tu ye mutun mwet Jerusalem Ac fahkak nu selos ma nukewa su nga kaksakin kom kac. Nga ac fah arulana engan mweyen kom moliyula.

¹⁵Mwet pegan elos sifacna pukanak luf se ac putatyang nu loac; Elos sruhu ke sruhf lalos sifacna.