Psalm 91:2-15

²El ku in fahk nu sel, “Kom mwe loeyuk ac lango luk. Kom God luk, ac nga lulalfongi in kom.”

³El fah karingin kom liki mwe ongoiya su oan in lukma, Ac liki kutena mas keok.

⁴El fah afinkomi ke posohksok lal. Kom fah moulla ke karinginyuk lal. Pwaye lal ac fah mwe loeyuk lom ac mwe karingin lom.

⁵Kom fah tia sangeng ke kutena mwe sensen ke fong Ku ke mwe ngal ke len,

⁶Ku ke mwe misa in lohsr uh, Ku ke ma koluk su sikyak ke len.

⁷Sahp sie tausin ac fah misa siskom Ku ngoul tausin raunikomla, Tusruktu kom ac fah tia sis kutena ma.

⁸Kom fah ngetang ac liye Ouiyen kaiyuk nu sin mwet koluk.

⁹Kom oru tuh LEUM GOD Elan mwe loango lom, El su Fulatlana El nien muta lom.

¹⁰Ke ma inge wangin ma koluk fah tuku nu fom, Wangin mwe kunausla fah apkuran nu inkul sum.

¹¹God El fah sap lipufan lal in liyekomyang Ac karingin kom yen nukewa kom fahsr nu we.

¹²Elos fah kafiskomyak inpaolos Tuh niom fah tia ngalyak fin eot uh.

¹³Kom ac fah lolongya lion ac wet, Aok, lion sulallal ac wet pwasin.

¹⁴God El fahk, “Nga ac fah molelos su lungse nga, Ac karinganulos su akilenyu lah nga LEUM GOD.

¹⁵Ke elos pang nu sik, nga fah topkolos; Ke elos sun mwe ongoiya, nga fah muta yorolos, Nga fah molelosla ac akfulatyalos.