12Kom orala epang ac eir, Fineol Tabor ac Fineol Hermon on nu sum ke engan.
13Fuka lupan ku lom! Fuka pwengpengiyen ku lulap lom!
14Tokosrai lom oakwuk fin suwoswos ac nununku pwaye, Lungse ac oaru akkalemyeyuk in ma nukewa kom oru.
15Fuka lupan insewowo lalos su alu nu sum ke on, Su moul ke kalmen kulang lom!
16Ke sripom elos engan ke len nufon, Ac elos kaksakin kom ke wolana lom.
17Kom ase kutangla yohk nu sesr, Ac ke lungse lom kom oru tuh kut in kutangla.