Psalm 77:4-12

⁴El oru tuh ngan ngetnget ke fong fon. Yokna mwe tukulkul in nunak luk, ac nga tia etu lah mea nga ac fahk.

⁵Nga nunku ke len pus somla, Ac esamak yac puspis in pacl oemeet ah.

⁶Nga ngetnget ke fong nufon ke sripen nunak luk. Nga nunak, ac pa inge ma nga siyuk sik sifacna:

⁷“Ya Leum El ac siskutlana? Ya El ac fah tiana sifil insewowo sesr?

⁸Ya El tila lungse kut? Ya El ac tiana akpwayeye wuleang lal nu sesr?

⁹Ya God El mulkunla in pakoten? Ya kasrkusrak eisla acn sin pakoten?”

¹⁰Na nga fahk, “Ma se nga nunku yohk emeet uh pa inge: Lah ku lun God uh in wanginla.”

¹¹Nga ac fah esam na orekma yohk lom, O LEUM GOD, Nga ac fah esamak orekma sakirik lom in pacl meet ah.

¹²Nga ac fah nunku ke ma nukewa kom tuh oru, Ac nga fah nunku yohk ke orekma ku lom.