Psalm 74:6-15

⁶Elos lipikya sak nukewa lac lohm uh Ke tula ac hammer lulap natulos.

⁷Elos kunausya acn mutal sum ac esukak ke e, Ac elos akfohkfokye acn mwet uh alu nu sum we.

⁸Elos arulana ke kunausla mwet lom, Ac elos esukak acn mutal nukewa in acn sesr.

⁹Mwe akul mutal nukewa wanginla; Wangin pac mwet palu lula, Ac wangin mwet etu lah ma inge ac safla ngac.

¹⁰O God, mwet lokoalok lasr inge ac isrun kom nwe ngac? Ya elos ac akkolukye Inem ma pahtpat?

¹¹Efu kom ku srunga kasrekut? Efu kom ku srakla poum nu tukum?

¹²Kom tuh tokosra lasr omeet me, O God. Kom molikutla ke pacl na pus.

¹³Ke ku lulap lom, kom tuh sraclik meoa uh Ac kom fukulya sifen ma sulallal inkof uh.

¹⁴Kom fukulya insifen kosro lulap Leviathan Ac sang manol tuh in mwe mongo nun kosro yen mwesis uh.

¹⁵Kom orala infacl srisrik ac unon in kof uh in soror, Kom akpaoyela infacl lulap.