Psalm 71:11-15

¹¹Elos fahk, “God El sisella tari. Kut som sruokilya, Tuh wangin mwet ac molella.”

¹²O God, nikmet muta loesla likiyu, God luk, aksaye kasreyu.

¹³Lela tuh elos su lainyu In kutangyukla ac kunausyukla. Lela tuh elos su suk in akkolukyeyu In akmwekinyeyuk ac akkolukyeyuk.

¹⁴Nga ac fah filiya finsrak luk in kom pacl e nukewa; Nga fah kalwenina in akyokye pusren kaksak luk nu sum.

¹⁵Nga ac fah fahkak wolana lom — Ke lusenna len uh nga fah sramsram ke molela lom, Finne yohk liki na ma nga ku in kalem kac.