3Palu panya nyuntumpa mukulya puḻka mulapa rawa alatjiṯu ngaṟanyi wanka nyanga mantatjangka waintaṟa mulapa, kaṉa palulanguṟu nyanga kuwari nyuntunya inkara waḻkuṉi.
4Munuṉa nyanga alatji kulini, “Utiṉa wanka nyanga nyinaralpi nyuntunya tiṯutjarangku waḻkunma, munuṉa nyuntunya ini wangkara maṟa katuringkula waḻkuṟa tjapinma.
5Munuṉa uti kurunpa winki puḻkaṟa pukuḻarima, panya mai wiṟu ngalkuntjatjanuṉa paḻtjaringkula pukuḻaripai, palu puṟunypa. Uwa, utiṉa inma tjuṯa pukuḻṯu inkara nyuntunya puḻkaṟa mirawaṉima.”
6Panya ngayulaṉa mungangka ngarikatira nyuntunya rawangku kulilpai, munuṉanta kuliṟa alatjiṯu tjiṉṯuringkupai.
7Panya nyuntu kutjungkun ngayunya tiṯutjarangku alpamilalpai, kaṉa palulanguṟu nyuntumpa inma tjuṯa pukuḻṯu inkara kulilpai, panya nyuntu ngayula tjungu alatjiṯu nyinanyangka.
Psalm 63
Psalm 63:3-7