Psalm 63:3-5

³Palu panya nyuntumpa mukulya puḻka mulapa rawa alatjiṯu ngaṟanyi wanka nyanga mantatjangka waintaṟa mulapa, kaṉa palulanguṟu nyanga kuwari nyuntunya inkara waḻkuṉi.

⁴Munuṉa nyanga alatji kulini, “Utiṉa wanka nyanga nyinaralpi nyuntunya tiṯutjarangku waḻkunma, munuṉa nyuntunya ini wangkara maṟa katuringkula waḻkuṟa tjapinma.

⁵Munuṉa uti kurunpa winki puḻkaṟa pukuḻarima, panya mai wiṟu ngalkuntjatjanuṉa paḻtjaringkula pukuḻaripai, palu puṟunypa. Uwa, utiṉa inma tjuṯa pukuḻṯu inkara nyuntunya puḻkaṟa mirawaṉima.”