Psalm 50:1-15

¹KOT Ieowa manaman masanier o molipedo sappa sang ni tapin katipin lel ni a kiridi.

²Lingan en Kot tapida sang Sion.

³Atail Kot kotido, o a sota kin kotin sapaimokit. Kisiniai kelail kin tiong mo a, o melimel laud kin mi impa.

⁴A kotin molipe lang o sappa, pwen kapungala sapwilim a aramas akan!

⁵Komail kapokon pena nai lelapok kan, me wiadar ar inau ong ia ni ansau en mairong!

⁶Nanlang pan kasaleda a pung; pwe Kot kin kotin kadeikada. Sela.

⁷Komail nai aramas akan rong, I pan padaki ong komail. Israel, I pan kaparoki ong komail: Ngai Kot, om Kot.

⁸I sota pan kaloke uk pweki om mairong, pwe om mairong isis kin wiaui ong ia ansau karos.

⁹Ari so, I sota pan ale sang komail kau ol de kut o sip ol sang nan im omail.

¹⁰Pwe man en nan wel karos me ai o pil man akan, me mimi pon nana kid pak toto.

¹¹I asa manpir en nana karos o song en man karos, me mi nan sap, kin mi re i.

¹²Ma I men mangadar, I sota pan indang uk, pwe sappa me ai o audepa karos.

¹³Da, koe lamelame, me I kin inong iong uduk en kau ol, de I men nim ntan kut ol?

¹⁴Mairongki danke ong Kot o kapungalang me Lapalap o om inau.

¹⁵Likwir dong ia ni om insensued, I ap pan dore uk ala, a koe pan kapinga ia.