Psalm 44:14-26

¹⁴Kom orekut in mwe tafunkas inmasrlon mutanfahl uh; Ac mwet uh usruk sifalos kacsr in aksruksrukye kut.

¹⁵Akpusiselyeyuk nga pacl nukewa; Ac arulana yohk mwekin luk

¹⁶Ke nga lohng pusren aksruksruk ac kas in akkoluk Lun mwet lokoalok luk, su srungayu.

¹⁷Ma inge nukewa sikyak nu sesr Kut finne tiana mulkinkomla Ku kunausla wulela su kom oakiya inmasrlosr ac kom.

¹⁸Kut tiana pilesrekomla; Kut tiana seakos ma sap lom.

¹⁹Ne ouinge kom filikuti inmasrlon kosro lemnak; Ac kom siskutla in nien lohsr matoltol.

²⁰Kut funu tui ac tila alu nu sin God lasr A kut alu nu sin god saya,

²¹Kom lukun konauk tari, Mweyen kom etu na pwaye nunak lukma lasr.

²²Tuh ke sripom, kutu sesr anwuki len nukewa; Orek kut oana sheep su kokola nu ke misa.

²³O Leum, ngutalik! Efu kom ku motul? Tukakek! Nikmet siskutla nwe tok!

²⁴Efu kom ku wikla liki kut? Nikmet mulkunla keok ac ongoiya lasr!

²⁵Kut itungyuki nu fin fohk uh; Kut kutangyukla oan infohk uh.

²⁶Fahsru ac kasrekut! Molikutla ke lungse kawil lom!