Psalm 40:13-17

¹³Kom kotin kupura ia Maing, o kotin dore ia la; Maing kom kotin sauasa madang!

¹⁴Me kin masamasan ia, pwen kame ia la, en namenokala o lisela; me men wia sued ong ia, en purewei o lisela.

¹⁵Ir me kin likelikwirki due ai: “Io, io!” en masak o lisela.

¹⁶Karos me idok komui, en pereperen o popol. O me pok ong omui maur, ansau karos ren inda: Meid kapingan Ieowa!

¹⁷Pwe ngai samama o luet; a Ieowa kin kotin apwali ia. Komui sauas pa i o ai saundor; ai Kot, kom der kotin pwand!