Psalm 119:111-118

¹¹¹Ma sap lom mwe usru luk nwe tok, Aok, mwe engan lun insiuk.

¹¹²Nga sulela tari tuh nga in akos ma sap lom Nwe ke na nga misa.

¹¹³Nga srungalos su tia inse pwaye nu sum, A nga lungse ma sap lom.

¹¹⁴Kom nien wikla luk ac lango luk; Nga filiya finsrak luk in wuleang lom.

¹¹⁵Mwet koluk, kowos fahla likiyu. Nga ac fah akos ma sap lun God luk.

¹¹⁶Akkeyeyu, oana kom wulela, ac nga fah moul; Nikmet lela tuh nga in toasrla ke sripen tia sun mwe finsrak luk!

¹¹⁷Sruokyuwi tuh nga fah tu na ku, Ac nga fah lohang nu ke ma sap lom pacl e nukewa.

¹¹⁸Kom ngetla liki mwet nukewa su seakos ma sap lom; Pwapa kutasrik lalos wangin sripa.