Pris Sę Ebo Bomai Po 26:38-46

³⁸Tialima, dage te boi dabego tǫde isila paibao. Te augwaligo tǫgo dage aiyaba mu dalubo tiwai yaibao.

³⁹Te dage dwasianu hani dabe te boi bidi augwaligo tǫ kantride bidaibao, te dage deli deli dolama, te dage hani silabo homu yaibao. Magi baso meni, duga digi, me te aya dabe, me wąį nǫų dabego yali sęgęde me duga tigidaligo sęgęde tama tiaibao,” te po wai dao.

⁴⁰“Tiali goli, nosali dage te hani dabe te augwa yali sęgę homu kone palama, te augwaligo enaba pusaibao. Augwaligo te tama po waibao, ‘Dena digi me te sęgę siyu, te wąį nǫų dabego me sęgę salio. Dago hagoma elama, te nago po sela sąwai dao.’

⁴¹Dagego hagoma ebaso, tialima eno dageba dwai dene menama, tama dage te duga boi bidi dabego tǫ kantriba tagala palali. Tialima, duga hanigo te hagoma ebo tagalobo sogo te augwa digi elaluama, te augwa yali sęgę dwai dene sobaso da,

⁴²teda eno te Jekop, me Aisak, me Abraham augwali dali te dąų wali bomai po kontrak homu ma koneaibao, te Kenan tǫ augwa wąį nǫų dabebolo mawaibao po wai dao.

⁴³Tialima, hasia bolo dagego te tǫ tagalai elalueibao, te tǫ odolali elaluama, te bobage sesabi elama, toma neyu elalueibao, te dagego tǫ te olo elalumainogo isąwani te sogoba usu naibao. Te dage sęgę tolama, te dwai dene saibao, magi baso meni, dagego eno bomai po tigidali tudiba munama, te eno po me tigidali sela sąwai dao.

⁴⁴Tiali goli, dage te boi bidi dabego tǫ kantride bidibo sogo, te dage mu tagalisąma, te eno dage tigidali mu me dologobeo. Mu menio. Eno te tiwai egi sogo da, teda eno dage dali te dąų wali bomai po kontrak dąų wali, te siligi da. Tiali goli, ena God, duga Genuai Bidi, eno te tama tiwai kolesaga me egobeo.

⁴⁵Eno dageba homu koneama, eno te dagego wąį nǫų dabe dali dąų wali bomai po kontrak ma homu kone palaibao. Te bidi dabe eno polobadu te tǫ kantri Isipde selama odasa asali, te gasa tǫ kantri we bidi tigidaligo te eno genuai bomo suali. Eno dage sela asali, te Genuai Bidi ena hani bage pedalumainu yali, ena dage Israelgo God bidainogo yai dao,” te po wai dao.

⁴⁶Te po dabe me te bomai po Genuai Bidigo Mosesbolo te Sainai bulu dude mayu dąų walai dao. Tama agai te po weyu, te Israel dabego tigidali wali piyąo wai dao.