Prabebs 31:24-31

²⁴Det gudwan waif oldei meigimbat klos blanga selimbat langa ola shopmenija.

²⁵Im brabli strongbala en kainbala, en ebribodi rispek langa im en im nomo bradin langa det taim weya garra kaman bambai.

²⁶Im oldei tok garram gudwan wed en im oldei tok ola wed blanga meigim najalot pipul jinggabat ebrijing gudwei.

²⁷Im oldei lukaftumbat im femili en im nomo jidan leisibala.

²⁸Blanga im biginini olabat oldei shoum rispek langa im. En im hasbin oldei preisimbat im wen im tok,

²⁹“Loda gudwan wuman jidan langa dijan wel, bat yu mobedawan langa olabat.”

³⁰Detlot switbala wed gin trikimbat yu en det brabli purdiwan feis garra tjeinj, bat pipul garra oldei preisimbat det wuman hu oldei rispek langa YAWEI.

³¹Ebribodi garra shoum rispek langa det gudwan waif, dumaji imbin wek brabli gudwei, en olabat garra tok gudwei blanga im. Binij na.