Prabebs 23:25-32

²⁵Yumob garra meigim yumob mami en dedi gudbinji blanga yumob en yumob mami garra jidan brabli gudbinjiwei.

²⁶Main boi, yu garra teiknodis langa mi brabliwei en yu wotjim wanim mi oldei dumbat.

²⁷Detlot nogudwan gel en ola waif hu oldei silipsilipbat garram eni men jidan laik det brabli dipwan hol.

²⁸Dei weidabat blanga gajim yu jis laik detlot pipul hu oldei stilimbat enijing brom enibodi olataim en meigim loda men jidan nomo trubala langa olabat waif.

²⁹Detlot pipul hu oldei laigim dringgimbat loda wain jidanbat sedwan en fait gija en agamin gija, en abumbat loda sowa oloba langa olabat bodi en blad langa olabat ai. Olabat na oldei abum loda trabul.

³¹Nomo larram det wain jidan bos oba yu, nomeda im redwan en shain insaid det kap en wen yu dringgim, im teist brabli gudwan.

³²Bambai na im garra bidim yu jis laik jigiwan sneik, en im poisinim yu.