Poropepe 3:11-18

¹¹Wane, emba sukunde ingyuo kiso rolo randa jiyu kande dokopa meeŋe lao suu pyaa napipi.

¹²Baame wambu mona retelyamo dupwa baa pyalana koo pyuo leya kande dokopa monarena yamarangwa nalapape.

¹³Akali mona palenge ingyuo pii soo nyera doko rae maiyuo karena.

¹⁴Doko mona palenge singinya renge doko kana golope kulingipinya poropiti nyilyamo dupwa nyuo isa palyuo nyera ingilyamo.

¹⁵Mona palenge singinya renge dokome embena mamakupi kii puupi dupwa pipya manda manja nara. Dee mona palenge singinya renge dokome embena bange nyelana suu pilini dokopa manda manja nalyamoko.

¹⁶Mona palenge singinya renge dokome yaku nao kumare. Dopako pyuo emba kapa paliramo kararenepa lakandarami.

¹⁷Mona palenge singinya renge dokome emba mona kyaka palyuo kata angi lasaka pyuo kyawa minyaramo karare.

¹⁸Mona palenge dupwa rae maiyuo parami. Mona palenge singinya renge dokome isame jingi lyelamuli pyuo lete kararami.