12E hilaep te kaliko ak, Pita pus hisit vongoro sav xil, tetal xil, e tuman xil.
13Melele xa pusi mak, milong rae tei xa misepin mini bit, “!Pita, utamea! Uhas ti xil e ua ni.”
14E Pita misepin rilomun mini bit, “!Suv, nasakras napol ni vamak! E meulien navan, natakar pis ti mu neta xa tamese ti mu tamal ti tengan lava ni pe metom.”
15Rae ak misepin rilomun mini bit, “!Holesok xil xa Hi pol ni lamese ngamu, xouk onahiteni ti onahit latamese ti pe meten!”
16Sexien ak mistal mi Pita be vatol. Di, kaliko ak dilomun be ut nesao.