12He teik maia ien manihuh ma manixux tenen tenen.
13Pita hong kinaxe Haeu i ukek, “Pita, xahatawa ape telei aniwa!”
14Tuahe Pita ukek, “Tel Masiwi, nga kum aile ukek ien. Liai nga kum aniani waliko tenen nauna ti Moses hahalini ma amite teka Ju ukek i kumahe haun.”
15Haeu kakane ulea i ukek, “Waliko ti nga ailewen haun, kum ukekek ka kumahe haun.”
16Pita ningahi tesol waliko ien uke he toluhu. Muhin ien teik maia lauta alia hani patul.
Aposel 10
Aposel 10:12-16