Text copied!
CopyCompare
Burum-Mindik Bible - Aposol nup meme - Aposol nup meme 10

Aposol nup meme 10:12-16

Help us?
Click on verse(s) to share them!
12Yuai miaŋgö uruŋe sömbup könaŋi könaŋi tatket. Sömbup tosatŋan köna 4:ŋan tiba anakze. Tosatŋan wösönöŋ ölölöŋgöba anakze. Mewöyök neiŋi neiŋi könakemba bölbölgöba anakzei, yuai mewöŋi mewöŋi mi könde miaŋgö uruŋe mohotŋe etket.
13Etketka miaŋgöreŋ qet kun asuhuba keu kewö jii mörök, “Pitö, gi mönö wahöta yuai ki qeba ohoba nenöŋ.”
14Mewö jii mörökmö, Pitönöŋ jiyök, “O Kembu, mewö qahö kötökŋi! Mi dönqizinŋambuk. Ni nalö kunöŋ yuai aŋgöjörakŋambuk mi kude neal. Ni miaŋgöra imbiloŋloŋ mötzal.”
15Mewö jiiga qet miaŋön kunbuk asuhuba yaŋgöra jiyök, “Anutunöŋ yuai jim könjörari ahözawi, göŋön miaŋgö qetŋi aŋgöjörakŋambuk mewö qetnöŋga qahö dop kölja.”
16Yuai mewöŋi mi kunbuk asuhui indimŋi karöbut ahök. Indimŋi karöbut aiga miaŋgöreŋök könde mi kunbuk örögetka Suepnöŋ öŋgöyök.

Read Aposol nup meme 10Aposol nup meme 10
Compare Aposol nup meme 10:12-16Aposol nup meme 10:12-16