Pisalem 56:1-6

¹Meenei God, dumaalia mai gi di au, idimaa au gu i lodo di haingadaa damana. Ogu hagadaumee e hagahuaidu au i nia madagoaa huogodoo.

²Di laangi dogomaalia gei ogu hagadaumee e hai baahi mai gi di au. E dogologo digau e heebagi hai baahi mai gi di au.

³Meenei Dimaadua di Gowaa Aamua, dogu madagoaa ma ga madagu, gei au e hagadagadagagee adu gi di Goe.

⁴Au e hagadagadagagee gi God, gei au hagalee e madagu. Au e hagaamu a Mee i nia mee a Mee ala ne hagababa. Ma di aha e mee di hai go tangada mai gi di au?!

⁵Ogu hagadaumee e gaamai gi di au nia haingadaa i lodo di laangi dogomaalia, digaula e hagabaubau di nadau hai dela belee haga huaidu au i nia madagoaa huogodoo!

⁶Digaula e dagabuli hagammuni i lodo nia gowaa nngala, e dadaumada agu mee huogodoo ala e hai, e hiihai e daaligi au gii made.